LLOJET E MJETEVE DHE MALLRAVE QË NUK KANË NEVOJË PËR LIÇENCIM/ÇERTIFIKIM.

1.   Në llojet e mjeteve me qira dhe për të tretë, për të cilat nuk do të kërkohet  liçencë, përfshihen mjetet e:

-      Sistemit të Ministrisë së Mbrojtjes, të Ministrisë së Brendshme dhe të Ministrisë së Drejtësisë.

-      Kryqit të Kuq dhe ato mjete që transportojnë ndihma ushqimore e mjekësore në rastet e fatkeqësive natyrore.

-       Që transportojnë mallrat e rastit për ose nga aeroportet.

-       Transportit të kafshëve të gjalla me kamina të specializuar për këtë qellim.

-       Që transportojnë pjesë këmbimi për mjetet e difektuara në rrugë, për anije ose për aeroplanë.

-      Që shkojnë për të zëvendësuar një mjet të difektuar në rrugë.

-      Që transportojnë objekte ose materiale për shfaqje teatrale, sportive, cirku, për regjistrime në radio, në televizion dhe për prodhime filmike.

-       Shërbimeve funerale.

-       Shërbimeve Bankare.

-       Shërbimeve komunale.

-       Transportit të ujit të pijshëm.

-       Autoriteteve lokale për mbrojtjen Civile (MCR), të policisë, zjarrfikësve, autoambulancve, avaro-shpëtueseve të minierave.

-      Urgjencës së elektrikut, ujit të pijshëm, telekomit, të aeroporteve brenda tyre.

-       Të provës nga prodhuesi, autoshkollave.

-       Pastrimit të borës dhe shpërndarjes së kripës dhe rërës në rrugë.

-      Që lëvizin të pajisur me mekanizma ngarkim-shkarkimi, trajlera ose rimorkio që nuk shërbejnë për transport mallrash por që lidhen me konstruksionin e mjeteve për mirëmbajtjen e rrugëve, rulat rrugore dhe rimorkiot e tyre.

2.   Në llojet e mallrave për transport brenda vendit që nuk kanë nevojë për çertifikatë përfshihen:

-       Mallrat që transportohen me mjete që përfshihen në pikën 1 të këtij neni kur ato punojnë për llogari të vet.

-       Transporti mbeturinave që dalin nga pastrimi i qyteteve dhe shërbimeve të tjera publike në qytete.

-       Çimento rifuxho nga fabrika për në objektet e ndërtimit.

-      Furnizimi i njësive tregtare me vezë, peshk i freskët, perime të freskëta, qumësht e prodhime të tij, kur ato ndodhen brenda qytetit.

-      Furnizimi i farmacive ose spitaleve me barna mjekësore brenda qytetit.

-      Transporti i postës, kur mjetet janë pronë e Drejtorisë së Përgjithshme të Postave.

-      Transporti i prodhimeve nga fermat bujqësore e blegtorale për në fabrikat e përpunimit.

-      Transporti i orendive, mobiljeve dhe sendeve të tjera shtëpiake si dhe orendi e pajisje zyrash.

-      Transporti i sendeve apo lëndëve të konsumit publik si libra, pajisje shkollash, spitalesh apo qëndra shëndetësore, ose qëndra kërkimore shkencore.

-       Transporti i sendeve dhe lëndëve të forcave të armatosura.

-       Në të gjitha rastet e mësipërme, subjekti pronar i mjetit, vërteton me dokumente zyrtare të lëshuara prej tij llojin e destinacionin e mallrave me përjashtim të forcave të armatosura.

Kur mallrat e mësipërme transportohen për llogari të subjektit me mjete jo në pronësi të tij, mjetet e transportuesit që ofron shërbimin me pagesë duhet të jenë pajisur me çertifikatë sipas dispozitave të kësaj rregulloreje.

3.   Kamionët me kapacitet mbartës nën 1.5 ton nuk çertifikohen për transport ndërkombëtar mallrash për të tretë dhe me qera.

4.  Kamionët me kapacitet transportues nën 500 Kg nuk çertifikohen për transport mallrash brenda vendit.

5.   Për transportin ndërkombëtar të mallrave për llogari të vet, kapaciteti i çdo mjeti nuk mund të jetë më pak se 1 ton.